დრონების გამოყენება აგრო ინდუსტრიაში

აგრო დრონების გამოყენებამ სოფლის მეურნეობაში ტექნოლოგიური განვითარება მოიტანა. ეს ინოვაცია ფერმერებს საშუალებას აძლევს, გაზარდონ მოსავლის რაოდენობა და ეფექტიანობა.

ტექნოლოგიების პროგრესის ფონზე, სოფლის მეურნეობა ზუსტი მეცნიერების მსგავსად განვითარდა. ადრე, ფერმერებისთვის ამინდისა და მოსავლის პროგნოზირება ძირითადი გამოწვევა იყო. თუმცა, დროთა განმავლობაში, ინოვაციური მიდგომები სწორედ ამ პრობლემების გადასაჭრელად გაჩნდა. ერთ-ერთი ყველაზე მნიშვნელოვანი ინოვაციაა აგრო დრონების ინტენსიური გამოყენება.

დღეს აგრო ინდუსტრიაში დრონების გამოყენება მრავალმხრივია. მათ შეუძლიათ საველე მონაცემების შეგროვება, თესვისა და შეწამვლის პროცესის ავტომატიზაცია, სასუქის განაწილება და ნაკვეთის ოპტიმიზაცია. ამის შედეგად, მცირდება საოპერაციო ხარჯები, იზრდება მოსავლის ხარისხი და თავიდან გვაცილებს დაავადებებსა და მავნებლებს.

ბოლო ათწლეულთან შედარებით, სოფლის მეურნეობა მკვეთრად შეიცვალა. ახალი თაობის ტექნოლოგიები ფერმერებს საშუალებას აძლევს, თითოეული ნაბიჯი წინასწარ დაგეგმონ. დრონების დახმარებით მათ ხელთ აქვთ ზუსტი მონაცემები, რომლებიც ეფექტური მართვის საფუძველს ქმნის.

კომპანია DRONY საქართველოში წარმატებით აერთიანებს თანამედროვე ტექნოლოგიებს ფერმერთა ყოველდღიურ საქმიანობაში. კომპანია ფერმერებს ეხმარება საერთაშორისო სტანდარტების დანერგვასა და დრონების გამოყენების ეფექტიანობაში.

DRONY-ს სერვისები მოიცავს სხვადასხვა კულტურის შესაწამლ და დასამუშავებელ პროცესებს. აგროდრონი მუშაობს ერთწლოვან და მრავალწლიან კულტურებზე, მათ შორის: ხორბალი, სიმინდი, ნუში, ვაშლი, კარტოფილი, საზამთრო და სხვა.

ტექნოლოგია ზოგავს წყალს და მცენარესაც იცავს. ტრაქტორული შეწამვლის დროს საჭიროა 300 ლიტრი წყალი, ხოლო აგროდრონის შემთხვევაში მხოლოდ 30 ლიტრი. რაც მთავარია, დრონი არ აზიანებს ნარგავებს, განსხვავებით ტრაქტორისგან, რომელიც 4-დან 10%-მდე მოსავალს აზიანებს.

გლობალური პროგნოზები მზარდ ეფექტურობაზე მიუთითებს. უპილოტო სისტემების ორგანიზაციის შეფასებით, მხოლოდ სოფლის მეურნეობაში დრონების ეკონომიკური ღირებულება 2025 წლისთვის 82 მილიარდ დოლარს გადააჭარბებს.